今年的生日禮物

竟然是一條咸魚 haha, 不過都好多謝 Peggy 呢兩份禮物! 無諗過會有禮物收, Thank you !

AF-S DX NIKKOR 35mm f/1.8G

這支鏡都想買好幾個月, 可惜一直都貨源不足, 訂都要先比錢再等兩個星期, 有現貨又D 舖個價又SET高晒, 唔想同佢地買, 上網見人講深圳有大量現貨仲要平過香港, 所以最後都係返左袓國買.

天氣太熱行幾步都出晒汗, 立即走入華強電子世界吹空調, 華強電子世界同賽格電子廣場都差唔多, 都係樓下一兩層係賣D電子零件, 二三樓以上先係賣電腦野, 行左幾間問左間最平 RMB 1400, 叫佢拎支黎, 等等下先同我講話要開唔知咩單, 總數 RMB 1456, 不過計埋都係佢最平就照買啦.


華強人好多, 同東門差唔多, 周街都有人叫 "票, 票, 票" "買票, 買票", 我諗係買假發票同公司報大數用掛?


D電腦商場幾大, 層數又多, 行得都OK舒服



回家開箱 :)


裝上遮光罩後的樣子


買野比完錢之後, 後尾佢四蚊散銀都唔找比我, 話送下面張相呢三舊分大中細既野比我, 問佢咩黎佢話要黎保護個鏡頭喎.



我諗係咁用掛~~

:: 華強路好長, 沿路兩邊都係電腦商場, 電器舖, 音響, 手機, 相機等等野, 除左呢D都仲有其他野睇下既, 好似..


用口寫毛筆字, 真係寫得好靚, 我有手都寫唔到..


又有唔知真定假既少林功夫, 都係果D訓玻璃, 吞鐵珠, 喉嚨頂彎鋼筋果D, 表演完一輪就會打坐有個箱放係度, 你捐D錢比佢就送你佛珠手鏈一條, 不過佢又無限你比幾多, 比一蚊佢都會送比你.

手機充電器明年起採用統一介面

歐盟表示已與多家手機生產商簽訂備忘錄, 明年開始統一手機充電使用 Micro USB 介面, 而新手機亦不會隨機附上充電器, 真是好消息, 一來不會因換手機品牌而棄掉舊有, 唔岩用既充電器, 製造垃圾, 二來去到邊可以充到邊, 真方便~

第一次影雀

去左香港公園個觀鳥園影雀, 原來假期香港公園周圍都係影相人, 勁多~

捉我丫笨

其他相在相簿

影相日 : 動植物公園 + 山頂蠟像館

上星期五終於等到天氣好番D無雨落可以出去影下相，先去左動值物公園，十幾廿年無去過，諗住有花花草草, 動物影下，點知花就殘既，動物個籠既洞又細又密，膠板圍住既就塊膠又矇又花，磨沙板一樣，唔好話影，用眼睇都無心機，影左陣就去坐纜車上山.

上到山周圍影陣上左凌宵閣個摩天台，天氣同之前幾日比雖然係好左D，但藍天白雲仍然係無影，遠望都係有層白曚曚咁，都唔知係天氣定空氣唔好所以咁，無計，人又到左錢又比左唯有照影~

之後再去蠟像館, 點知掛住影合照無認真影d蠟像, 去到第二層影完合照想番轉頭由頭認真影, 工作人員竟然唔比番上上一層了, 因為關門時間己到, 真係黑仔~

當日其他相在下面相薄

東九龍電腦節

MegaBox 開左咁耐都係第一次去, 比想像中細好多, 扶手電梯泣泣亂, 交通又唔方便, 唔係有電腦節, 無乜特別真係唔會再去...

電腦節攤位分成10層分佈, 賣d野差唔多都係果d (LCD Mon, Notebook, SD Card, 手指) 價錢平就有平少少, 但唔覺比平時平好多, 款式亦好少, 跟本唔值得去... 等我仲諗住去執番套 keyboard 同 Speaker, 點知得兩三鐺係賣呢d 野仲要勁少款...

最後只係買左張 imation 16GB SDHC (class 6), 係咪市價最平就唔知, 但會場最平就好似係佢最平, 賣 $219

BENRO A-550EX + BH-1 三腳架套裝

腳架 : A-550EX
節數 : 4
最高高度 : 132.5 cm (不升中軸) ; 154.9 cm (升中軸)
最低高度 : 41.7 cm
折合長度 : 56.9 cm
重量 : 1.65 kg
負重 : 6 kg

波頭 : BH-1
球體直徑 : 36 mm
負重 : 6 kg




套裝腳架仲跟個原裝腳架袋, 質料很好, 手抽位質地相當舒適


ps. 今日好唔老實, 原本腳架 $680 + 快門線 $35 = $715, 職員收我 $700 我無出聲 :)